كهناڵی كوردان تی ڤی
بۆ ساڵی دووههم و لهڕێوڕهسمێكی نموونهیی و بێ وێنهدا
و بۆ ناساندن و ڕێزلێنان و خهڵاتكردنی ڕۆڵی ئهو
كهسایهتییه كورد و دانیماركییه چالاكانهی كه له پرسی
گهلی كورد و كوردستاندا بێوچان كاریانكردووه بۆ ناساندن و
پاڵپشتیكردنی دۆزی ڕهوای كورد، نوێنهرایهتی حكومهتی
ههرێم له باكووری ئهوروپا، ڕێوڕهسمی گالای كورد، له
كۆپنهاگنی پایتهختی دانیمارك ڕێكخست.
لهم بۆنهیهدا ژمارهكی بهرچاو له كهسایهتییه
ناسراوهكانی دانیمارك و كورد، له بواره جیاوازهكاندا و
هاوتا ڕێژهیهكی زۆری فێرخوازانی لاوی كورد له زانكۆ و
پهیمانگاكانی دانیماركدا ئامادهبوون.
لهم ڕێوڕهسمهدا تهها بهرواری وهزیری وهرزش و لاوانی
حكومهتی ههرێمی كوردستان و جێگری سهرۆكی پهرلهمانی
دانیمارك هۆلگه نیلسن و سهرۆكی پارتی سوسیالیستی گهلی
دانیمارك ڤیللی سویندێل و ئهندامی پارتی سۆشیال دیموكراتی
دانیمارك و پارتی گهلی دانیمارك و نوێنهرانی وهزارهتی
دهرهوه و چهندین ئهندام پهرلهمانی دانیمارك و
نوێنهرایهتی حكومهتی ههرێم له سوید و باكووری ئهوروپا
و باڵیۆزی كۆماری فیدراڵی عیراق له دانیمارك و ڕێكخراوه
ناحكومییهكانی دانیمارك و نوێنهرانی پارته كوردی و
عیراقییهكان ئامادهبوون.
كۆمیتهی ههڵبژاردن و دهستنیشانكردنی پاڵێوراوان،
پێكهاتبوو له خاتوو ئان سمیچ بهرپرسی ڕێكخراوی Care 4 you
دانیماركی و خاتوو ئوزلیم چكیك ئهندام پهرلهمانی دانیمارك
و ڤیلۆ سیگۆردسن سهرۆكی پێشووی شارهوانی كۆپنهاگن و
هونهرمهندی ناسراو حهمه جهزا و ڕهند شهوكت فێرخواز له
كۆلێجی زانسته سیاسییهكان. پاشان لهلایهن خاتوو ئوزلیم و
له ڕێگای شاشهیهكی گهورهوه ناوی پاڵێوراوان بۆ
خهڵاتی كوردی ساڵ ئاشكرا كرا كه پێكهاتبوون له:
دكتۆر ئهدیب عیسا/ مامۆستا له زانكۆی تهندروستی باشووری
دانیمارك.
محهمهد ئهردهم/ نووسهر و ڕۆشنبیری كوردستان.
كامهران ئیبراهیم/ هونهرمهندی شێوهكار و دهرهێنهری
تهلهفزیۆنی و ئهندامی دامهزرێنهر و بهڕێوهبهری
كهناڵی كوردان تی ڤی.
خهڵاتی كوردی ساڵ بهخشرا به كامهران ئیبراهیم.
پاڵێوراوان بۆ دۆستی كوردی ساڵ پێكهاتبوون له:
كلاوس سلاڤێنسكی/ بهرپرسی ڕاگهیاندنی ئینستیوتی مافی
مرۆڤی دانیماركی.
ڕێكخراوی كورد/ ڕێكخراوێك بۆ پرسی كورد له دانیمارك.
لایف باچ كریستیانسن/ قونسوڵی باڵیۆزخانهی دانیمارك له
عیراق.
خهڵاتی دۆستی كوردی ساڵ بهخشرا به كلاوس سلاڤێنسكی.
پاڵێوراوان بۆ دۆستی كوردی فهخری پێكهاتبوون له:
ئهنیتا ئهسپاندار/ هونهرمهندی شێوهكار.
هۆلگا نیلسن/ جێگری سهرۆك پهرلهمانی دانیمارك.
تۆڤ سكوتاناب و رۆبێرت فلیپسۆن/ پرۆفیسۆر له زانكۆی
بازرگانی كۆپنهاگن، ناساندنی زمان و كلتووری كوردی به
شێوهیهكی زانستی و ئهكادیمی.
خهڵاتی دۆستی فهخری بهخشرا به هۆلگا نیلسن.
سهرچاوه: ماڵپهری داستان
